कैलारी गाउँपालिका वडा नम्बर ४ वडा कार्यालयको नवनिर्मित भवनको मंगलबार उद्घाटन

 

हसुलिया, असोज । कैलारी गाउँपालिका वडा नम्बर ४ वडा कार्यालयको नवनिर्मित भवनको मंगलबार उद्घाटन गरिएको छ । 

गाउँपालिकाका अध्यक्ष लाजुराम चौधरीले एक कार्यक्रमकाबीच नवनिर्मित भवनको उद्घाटन गरे । वडा अध्यक्ष भिखराम चौधरीको अध्यक्षतामा भएको कार्यक्रममा नेपाली काँग्रेसका नेता राजसमझ चौधरी, स्थानीयवासी लगायतको उपस्थिति रहेको थियो । 

के गाउँ खल्लास्थित कालिका मन्दिर परिसरमा वडा कार्यालयको नयाँ भवन निर्माण गरिएको छ । तीन कोठे नयाँ भवनमा एउटा हल पनि रहेको छ । ३७ लाख ५० हजार रुपैयाँ लागतमा भवन निर्माण भएको हो । वडा भवन निर्माणका लागि गाउँपालिकाको कार्यालयले २० लाख र जिल्ला समन्वय समितिले १७ लाख ५० हजार रुपैयाँ बजेट दिएको वडा सचिव हेमराज ढुङ्गानाले जानकारी दिए ।