सुदूरपश्चिममा शुक्रबार थप १८जनामा कोरोना संक्रमण पुष्टी

 

धनगढी, २६ भदौ । सुदूरपश्चिममा शुक्रबार थप १८जनामा  कोरोना संक्रमण पुष्टी भएको छ । सेती प्रादेशीक अस्पतालको प्रयोशालामा १२  र डोटीको प्रयोगशालामा थप ६ जना गरि १८ जनामा 

संक्रमण पुष्टी भएको हो । 
पछिल्लो २४ घण्टामा ४सय ६४ जनाको कोरोना परीक्षण भएकोमा थप१२ जनामा संक्रमण पुष्टी सेती प्रादेशिक अस्पतालका  सूचना अधिकारी दिलिप कुमार श्रेष्ठले बताए । संक्रमण पुष्टी हुनेमा कैलालीका ४ र कञ्चनपुरका  ८ जना रहेका छन् ।  सूचना अधिकारी श्रेष्ठले धनगढी उप–महानगरपालिका वडा नम्वर -५ का ४ पुरुषमा र कञ्चनपुरको कृष्णपुरका वडा न- ६का  ३ महिला एक पुरुष , महाकालीका -६ का एक महिला,  पुरुष २ र महाकाली-४ का एक पुरुषमा गरि १२  जनामा संक्रमण पुष्टी भएको जानकारी दिए । 

त्यस्तै  जिल्ला अस्पताल डोटीको प्रयोगशालामा भएको परीक्षणमा थप ६ जनामा कोरोना पुष्टि भएको छ।

पछिल्लो २४ घण्टामा ८६ जनाको कोरोना परीक्षण भएकोमा डोटीका ६ जनामा संक्रमण पुष्टि भएको अस्पतालका प्रयोगशाला इन्चार्ज शौरभ श्रेष्ठले  जानकारी दिए । डोटीको बोगटानका ४ पुरुष  २ महिला संक्रमण पुष्टि भएको हो । 

उता  डडेल्धुरा प्रयोगशालामा गरिएको परीक्षणमा आज सबैको रिर्पोट नेगेटीभ आएको  छ ।

पछिल्लो २४ घण्टामा १ सय ९ जनाको कोरोना परीक्षण गरिएकोमा सबैको रिर्पोट नेगेटीभ आएको प्रयोगशाला इन्चार्ज ईश्वरीप्रसाद भुसालले जानकारी दिए ।
यो संगै सुदूरपश्चिममा संक्रमितको संख्या ६ हजार चार सय ६ पुगेको छ। संक्रमण पुष्टी भएका हाल सम्म १४ जनाको मृत्यु भएको छ ।