थारू भाषी चौथो लघुखिस्सा श्रृंखला सम्पन्न, पाँचौ श्रृंखला जूम मार्फत लाइभ हुने

थारू साहित्यकार गणेश बर्तमान र कैलारी पोष्टको सहकार्यमा थारू भाषी लघुकथा श्रृंखला सुरु भएको छ। साहित्यकार गणेश बर्तमानको यूट्यूब च्यानल बर्तमानको आवाजमा भिडियो भएको छ भने यस कैलारी पोष्ट मार्फत उक्त थारू भाषी लघुकथालाई अक्षरमा पढ्न सकिनेछ। यस श्रृंखलामा सहभागी हुनका लागी साहित्यकार गणेश बर्तमानको म्यासेन्जर तथा कैलारी पोष्टको म्यासेन्जर साथै ईमेल kailaripost@gmail.com र bartamanganesh@gmail.com मा लघुकथा आफनै आवाजमा पनि रिकॉर्ड गरी पठाई सहभागी हून सक्नुहुनेछ। श्रृंखलामा बाचन गरिएका सबै लघुकथालाई पिदिएफ पुस्तकको रूप दिएर अनलाइन प्रकाशन गरिने कैलारी पोष्टका सम्पादक मोती रत्नले जानकारी गराउनु भएको छ। चौथो श्रृंखला अन्तर्गतको लघुकथाहरु यस्तो छन।

लघुखिस्सा-अन्तर्मन

राजु क्षेत्री अपुरो
पोखरा नेपाल

नारायण कुमारके छाईछावाफे हेर्टि हेर्टि ज्वान होगिलिन्!अप्न खाडि ड्यास म डुख कैक हुइलसेफे छाईछावन खैना,लगिना व पहर्ना म कुच्छु कमि निहुइ डिहल रलह!नारायण कुमार छुट्टिम आइल रलह टब्बहँ हुँकाहार छाईछावा पहर्ना कलेज म रजत जयन्ती कार्यक्रम रलहिन!ओक्र औसर म कलेज सक्कु अभिभावक हुकहिन निउँटा करल रह! नारायण कुमारफे दर्शक दिर्घा म रैके कार्यक्रम हेर्ने खोब रमाइटलह!बिच्च बिच्चमक गायन व युगल नाच कार्यक्रमहन आकुर रोचक बनाइटह!उह क्रम म हुँकाहार छावा एक्ठो लौरेँ लेके नाच निक्रल!हुँकनक नाच सक्कु अभिभावक हुकनक मन जिटटह!हुँकाहार छावाफे अत्रा मजासे नाच्ठुहिन कैक उ स्वाँचल निरलह!नारायण कुमार भित्रभित्र न खुसि डेख्पर टलह!हुँकहिन आकुर खुसि टब् लग्लिन जब हुँकाहार छावा उह सुघ्घुर लौरेक हाँठ पकरके नाचटह!आपन लग्गु बैसल अभिभावकहन "उ म्वा छावा हो"कटि परिचय कराइ टलह! कार्यक्रम आप ओरिना ब्याला हुइटह!उड्घोसक एक्ठो सब्से सुग्घर नाच कार्यक्रमके सब्से पाछ डेखाजाइ कहल रह!उड्घोसक कहटह "आप हम्र कार्यक्रमके सब्से डेख्नौस नाच डेखाए जैटि बाटि!"उड्घोसक असिक कहबेर सक्कु हेरुइया मनैन्हँक आँख मञ्च उहँर डेख्पर टलहिन!मञ्चम एक्ठो न सँप्रल जोर्ह्या डेख्पर्ल!कार्यक्रम म सक्कुन्हँक मुँ अज्रार डेख्पर टलहिन!टर अख्खिक नाच ले क नारायण कुमारके मुँहम ओत्रा चमक निडेख्पर्लिन!हुँकहिन उ ठँर्या उ लौरेक हाँठ पकरके नच्लक मन निपर टलहिन! हेरुइया मनै मन परिलक उ नचन्याँ और किउ निहोक हुँकाहार छाई रलहिन!(दिमागको बिर्को लघुकथा सङ्ग्रह मसे)अनुबाड -गणेश वर्तमान

लघुखिस्सा-कन्ढुन

ठाकुर बाबा नपा ७ बर्दिया

बिरु म्वार एकडम मिल्ना ग्वांचा हुइट ।हम्र जांहा जाइबेर फे हमार गुंई नि छुटट। गाँउम सक्कु ज हमन नब्वे गुंई कै ख कठ चैट क मैन्हा रह बुर्हाइल ज्वान सक्कु रुख्वक पट्या झरक नंट ढ्वांढा हो रलाहा । आब रस रस लौव पट्यक जरावर लेह डटल रह । बिरु हुंकाहार बाबा सिपैह्या रहल्क ओर से हुकाहार लाग जार ओ घाम छ्याक म घल्ना अड्रीक अड्रिक लुगा लट्टा लान्डेहन । एकदिन हुकाहार लाग बजराहा यु के लिखल छोटी मुन्टा हुइलक पेटी लान्डे लिन । मै फे घर जाके बाबसे किन मङगनु ट बाबा सिलमिनटिक कट्टी उढारके महाटेलार से डौंरी बटके कन्ढुन बाहान डे ल !मै निमानके भुंस्यागिनु ओ टिन हाँट उप्पर उल्लुर उल्लुर छटक्या जंक्वा अस रुइलग्नु ।ट डाइ माघम किन्डेबी छावा ट्वार बावा मन्जोरी कर्ना मनैया रुप्या पैंसा नि होकन हम्र गरिब बाटी कैके सुफ्लैली । आम फे महुरके सेक खन कहरना होरलाहा हमार बुडी अम्लक गांरी ठे सिट्रम ओंघैटी डोनी लगाइटल्ही बिरु ओ मै घरक पिखांही घोरबासा ख्याल टलही उह ब्याला बुडी हाक पर्टी " रै बुबन आम खैना होचुकल म्वारलाग काहारक ला आम टुर्डे टो ट नी " कली मैओ बिरु आमक झोग्डा टुर्ना आसले रूख्वम सौरली । ओ बरभारी झोग्डा टुरकला डंर्यक टिपुन्नम जाके टुरु कहबेर ग्वारा निपुच के मै ट हर्बरहेट खसलग्नु ओ टर आके और डर्यम अटकगैनु म्वार प्याट, हाँट, ग्वारा सक्कु बकोट गिल रह ।असिक हेर्नु मै काहा टंग गैलु कैखे ह्यारबेर म्वार कन्ढुन टरक डर्यम बाझके मै टअटक के भुईयम खस्ना से बचल रनहु । पाछ बिरु आके छुटाके महिन टर उट्रैल । मन मन कनु कन्ढुन क ठाउँम पेटी रहट ट आज लाल मोरै खैलक रंन्हु ।

https://youtu.be/bKPYP5r_Ozs

लघुखिस्सा-लास्या

डियर अबिरल

चारुवर पर्बट्वले घ्यारल गाउँ जाटिक रहर लग्टिक गाउँ रहरपुर । सायड हेर्ना रहर लग्टिक हुइलक ओर्से हुइ हमार पुर्खावन रहरपुर नाउँ ढैडेल । आदिबासी भुमी पुत्र प्रकृटिक पुजारी हम्र थारु । कला संस्कृटिक हिसाबलेफे बहुट धनी बाटी । गाउँम माघ लच्क्याईट रह। ओसिख ट थारु जाटिम माघह लौव साल मानजाईट। माघ मान्क कमैया कम्लहरी लग्ना गाउँक महट्वा छन्नासे लेक घर फुट्ना, घर बनैना , भ्वाज कर्ना खोज्नी बोज्नी कर्ना काम कर जाजाईट। गाउँ रहर लग्टिक रलसेफे जै मनै टै मेरिक मनम पीडा बाटिन । बास्या लागट संसारक सब्से अभागी मनै हुइट । डाई भग्वन्वक घर गिलक ढ्यार बरस हो सेक्लिन ।बास्यक डाई गाउँ भरिक बठ्न्यावनसे सुघर रहि । छुटिहसे गाउँक प्रधन्वक घर कम्लहरी लागल रहि । "जहाँ फुला ओहा भौंरा" कह हस प्रधन्वक छावा बास्यक डाईह धिर बोलाडेली । भखर फुल्टी रहल फुल उ पापी किचुडेहल । अढिकारक गाउँक महटाव कचेहरी जुटैल । उ ब्याला निरदलिय पंचायट शासन रह । गाउँ प्रधान ज्या कर्लसे मानक पर्ना । प्रधन्वा आपन छावहन बचा लेहल । झन ट उ अबोध भखर फुल्टी रहल नारिहन गाउँक सब जहानक आघ रन्डी, बेस्या, पटुर्निया संग्या डेलिन । निचटी निचहटी लर्का जन्माईक पर्लिन । लर्का ट जर्मैली लेकिन समाजक छि ! छि!! डुर डुरले सह निसेक्क गाउँक उट्टर रहल पकरियक रुख्वम गर्झुलक संसार छोर डेलि । बास्या छुटीहसे साहारक नाउँम नानी किल रहिन। आसकाल बास्या जवान होस्याकल बाट। लेकिन पहिचानक नाउँम कुछु ना कुछ । बास्यक का गल्टी, उ का यी डेसक नागरिक निहुइट । यह ढर्टीम जरम लेकफे आज बास्या आपन अढिकार पहिचानक लाग सरकारके आघ लार चुहोइटी लास्या लागल बाट ।

पाँचौ श्रृंखला जूम मार्फत लाइभ हुने

 अबको पाँचौ श्रृंखला जूम मार्फत कैलारी पोष्टको फेसबुकबाट लाइव  प्रशारण हुने भएको छ भने जंग्रार साहित्यिक बखेरीको आयोजना रहनेछ ।  कैलारी पोष्टको सहकार्यमा निरन्तर प्रत्येक हप्ताको सोमबार फेसबुकबाट लाइव  प्रशारण हुनेछ । यो पाँचौ श्रृंखलामा अग्रज साहित्यकार  डा. कृष्णराज सर्बहारी समीक्षकको रुपमा उपस्थित हुनुहुनेछ भने साहित्यकार अंकर अन्जान यात्री, डियर अबिरल, अनिल थारू र सन्देश दहितले आफ्नो लघुखिस्सा आफ्नो आवाजमा सुनाउनु हुनेछ ।  साहित्यकार गणेश बर्तमानले सहजीकरण गर्नुहुनेछ भने साहित्यकार मोती रत्नले कार्यक्रम  होस्ट गर्नुहुनेछ। यूट्यूब च्यानलहरु तिम्रो पर्दा, कैलारी टि.भि. निमाङ थारू मीडिया र गणेश  बर्तमानको यूट्युबमा हरेक हप्ताको बिहीबार अपलोड हुनेछन  भने यस कैलारी पोष्ट मार्फत उक्त थारू भाषी लघुकथालाई अक्षरमा पढ्न सकिनेछ। यस श्रृंखलामा सहभागी हुनका लागी साहित्यकार गणेश बर्तमानको म्यासेन्जर तथा कैलारी पोष्टको म्यासेन्जर साथै ईमेल kailaripost@gmail.com र bartamanganesh@gmail.com मा लघुकथा पठाएर र ज़ूममार्फत  प्रत्यक्ष सहभागी हून सक्नुहुनेछ। श्रृंखलामा बाचन गरिएका सबै लघुकथालाई पिदिएफ पुस्तकको रूप दिएर अनलाइन प्रकाशन गरिने कैलारी पोष्टका सम्पादक मोती रत्नले जानकारी गराउनु भएको छ।