थारू भाषी लघुकथा दोश्रो श्रृंखला

 

थारू साहित्यकार गणेश बर्तमान र कैलारी पोष्टको सहकार्यमा थारू भाषी लघुकथा श्रृंखला सुरु भएको छ। साहित्यकार गणेश बर्तमानको यूट्यूब च्यानल बर्तमानको आवाजमा र kailari TV यूट्यूब च्यानलबाट नेपाली भाषामा मोती रत्नको आवाजमा भिडियो आउदो हप्ता अपलोड हुनेछ भने यस कैलारी पोष्ट मार्फत उक्त थारू भाषी लघुकथालाई अक्षरमा पढ्न सकिनेछ। यस श्रृंखलामा सहभागी हुनका लागी साहित्यकार गणेश बर्तमानको म्यासेन्जर तथा कैलारी पोष्टको म्यासेन्जर साथै ईमेल kailaripost@gmail.com र bartamanganesh@gmail.com मा लघुकथा आफनै आवाजमा पनि रिकॉर्ड गरी पठाई सहभागी हून सक्नुहुनेछ। श्रृंखलामा बाचन गरिएका सबै लघुकथालाई पिदिएफ पुस्तकको रूप दिएर अनलाइन प्रकाशन गरिने कैलारी पोष्टका सम्पादक मोती रत्नले जानकारी गराउनु भएको छ। दोश्रो श्रृंखला अन्तर्गतको लघुकथाहरु यस्तो छन।

लघुखिस्सा साजल चाउर

                                                                डियर अबिरल

बैसाक महिना ओराक जेठ महिना गोरि डर्लक एक अठ्वार होरहल रह। गाउँम आभिन घर बनैना, कुल्वा लग्ना बेगारी चल्टी रह। रुख्वा बरिख्वाम लौवा पट्या पल्हा स्याकल ओहर्से जहोर हेर्लसेफे हरेर महा सुहवन डेख पर। बैसख्या कोक्नीक ठ्वाठम म्वाँछ आई लागल रहिन। कौनो कोक्निम भर भखर ढानिकानी आईट डेख पर। पुर्बहिया बयान एक नासम आपन सुरम सुर...सुर बहटी रह। भैसोरान बाज्या सजना गैटी घरक पछिउक पाजर टुटक छाही टिर हर्चाली करट रलह। खटौली भाङक सेक्क आब छट्री सिर्जैटी रहै। आभीन बियार बोक्ना हर्झौंखी बनैना, जुवा चस्ना, ह्याङाम हरिस फेर्ना अस्टक कौयो ठो काम ठाक लगाक ढर्क रलह। सर्कक पछिउ पंजार भैसोरान घर पुर्बक पंजार पस्ल्याहन घर डखनक पंजार खोल्ट्याहान घर अस्ट अस्ट पहाटिक पहाट लागल घर। गाउँक लौरा लर्का युवा हुक्रा ढ्यार जसिन कालापाहार गिल बाट। यी गाउँम जवान लौरावन डेख पर्ना फे सिह्नी रहट। टर टिह्वारम किल हो केउ केउ अइठ। भैसोरान डाडु भैया घर फुट्लक डुई बरस पुगगिल रहिन। बर्का घरह खेटी किसानीम कर्ठ। छोट्का इडिया गिलक डस महिना हो रलिन। घर अइना कटि कटि लक डावनम छेक्वा परल बाट। यहाँ जुन भैसोरान छोट्की भारी करराख बेरामले कोन्टिम हन्हनैटी सुटल बाटी। हुँss हुँss हुँss हुँss ... "अइया! डाइ, अइया! बाबा मुनु मुनु, एक घचिक पाछ गाउँक बर्का गुर्वा बैडावा जुटैल। गुरै पाटी बैठैल। छाकी ढरकैना छुटल बा कटि घरक डिउटा रिसाईल बटैल। यह ब्याला गाउँक मस्टर्वा फे टुपुलुक्क आपुग्ठ। अहो बर्की, छोट्कीहन मजा लग्लिन ? बर्की जवाफ डेठि डिहुरारिक डिउटा लौह्वाईल पानीकसंग साजल चाउर खवाडेनु। मजा होजिहिन। हाट जोर्टी मस्टर्वा कठ, हे भग्वान! आभिन कहिया सम्म साजल चउरक भरम घरह छटप्टाक पर्ना हो ।

लघुकथा डैनटुर्वा

                                  अन्जान सहयात्री जानकी गाउँपालिका-८ जबलपुर कैलाली

पोरसाल डोंग्राहान छोट्कासे काठमान्डु गैल रही । सिख्नौटी चलाइ ना कहजाइ भेरभट्टामे डु डिन लगाके पुग्ली । चाउओर बड्री छुना मेरिक मकान, कान बहिर कैडेना मेरिक ढोंढोंपोंपों गारिक् आवाज, सारा गल्ली मनैंनसे भरल । असिन लावा ठाउँ डेख्के महा अंखोहर लागे । उ बेर फेसबुकमे बड्रिहान डाडु कले रहैं । भाइ काठमान्डु घुमेआइ । मै अप्नहे घुमैम् सारा नगरी । ओस्टक् कल्पुर्हान डिडीफे फोनम् कले रहिन । महिन म्यासेजमे बोलिचालिक लाग बनाइल सार्हुफें एसएमएस करले रहैं । यिहे घुम्ना सोंच बनाके गैल रही हम्रे काठमान्डु । लकिन उहाँ जब हम्रे पुग्ली टो बड्रिहान डाडु चिन्हें छोरडेलैं । कल्पुर्हान डिडीफे मुँह् घुमाडेलिन । बनौटी सार्हुफें ओस्टेक् करडेलैं । अट्रा भारी सहरमे अट्रा ढेर नाँटपाँट होकेफे पराया बन्ली हम्रे । मनमनें सोंच्नु 'सहर कलक् टो डैनटुर्वा हो । जो कि अपन मनैंनफें अपन जस्टे बनाडेहठ ।' अंकर

लघुखिस्सा-आढा गुन -इन्दिरा देवकोटा

                                                           अनुवाड गणेश बर्तमान

पह्रल लिखल जागिरे जन्नि मनै हुइटि मनिता!अफिस म और कर्मचारीनसे जन्नाहा मान्जिठि!घर,समाज,परियार सक्कु उहँर सफल मान्जाई !सामाजिक काममफे आग रलहि!बिश्व प्रबिधि म आग पुग सेक्लक उहँरसे सक्कु ज साइबर जाइ भिर्ल!इन्टरनेट चलाई सिख लग्ल!मनिता भचिक चालिस कट्स्याकल कैख वास्ट निकरि!बाहेरसे छाईछावा मोबाइल पठाडेलिन!ओम सक्कु याप्स डारल रह!मनिता न खुसि रलहि!डुईठो क्याम्रा रलक !यमसे ट टिबिम ब्वालअस ब्वाल मिलठ!मनैन सुनाई!छाईछावनके छुट्टि रलक डिन ग्रुप म भिडियो फोन कर्ना योजना बनिलि!आपन छाईछावन ड्याख पैना खुसि ले क राटभर निन निलग्लिन!कसिन हुइल हुहिँ?राटभर असहँ सोच्टि छर्लङ्ग बिहान होगिलिन!बिहान क ८बजे छाई फोन कर्ख फेसटाइम याप्स ख्वाल कलिन!मनिता मोबाइल पक्रलि!हुँकाहार छाई जत्रा सिखैलसेफे जन्बो निकर्लि!छाईछावन ड्याख पैना इच्छाफे पूरा निहुइलिन!अत्रा ढिउर पह्रल मनैफे मोबाइल चलाई निजन्लक म लाज लग्लिन आपनहन डेख्क!मन मन सोच्लि"आढा गुन पहर्ल बेक्कार"