ट्रकको ठक्करबाट घाइते भएकी युवतीको पनि मृत्यु

 धनगढी, ६ फागुन ।  कैलालीमा ट्रकको ठक्करबाट घाइते भएकी युवतीको पनि मृत्यु भएको छ ।  जिल्लाको लम्की चुहानगरपालीका  १० चुहामा ट्रकले मोटरसाइकल लाई ठक्कर दिँदा घाइते भएकी कैलारी गाउँपालिका १ कि १८ बर्षिया चन्द्रा चौधरीको पनि मृत्यु भएको हो ।

गम्भीर घाइते चौधरीको कोहलपुर मेडिकल कलेजमा उपचारका क्रममा मृत्यु भएको प्रदेश ट्राफिक प्रहरी कार्यालय अत्तरियाले जनाएको छ ।   बुधवार पूर्वबाट पश्चिम जाँदै गरेको ना ५ ख ८४०६ नम्बरको ट्रकले लु ७८ प ३९०५ को नम्बरको मोटरसाइकललाई ठक्कर दिएको थियो ।

ठक्करबाट गम्भीर घाइते लम्कीचुहाका दिनेस चौधरीको उपचारको क्रममा बुधबारनै मृत्यु भएको थियो  । 
घाइते चन्द्रा चौधरीको पनि बुधवार साँझनै उपचारको क्रममा मृत्यु भएको ट्राफिक प्रहरी कार्यालय अत्तरियाले जनाएको छ ।

कञ्चनपुरको शुक्लाफाँटा नगरपालीका ८ का चालक ३५ बर्षिय रामसिंह ठगुन्ना र ट्रकलाई इलाका प्रहरी कार्यालय बौनियाले  नियन्त्रणमा लिएकोे छ ।