निशुल्क स्वाव संकलन केन्द्रमा हातधुनका लागि सोमबार धारा जडान

 

धनगढी, ६ पुस

होपब्रीज संस्थाले धनगढी उप–महानगरपालिकाले संचालनमा ल्याएको निशुल्क स्वाव संकलन केन्द्रमा हातधुनका लागि सोमबार धारा जडान गरेको छ ।

कोरोना परीक्षणका लागि स्वाव दिन संकलन केन्द्रमा आउने सर्बसाधारणलाई सजिलो होस भनेर टंकी र धारा जडान गरेको हो । धनगढी उप–महानगरपालिकाका नगरप्रमुख नृपबहादुर वडले स्वाव संकलन गर्न आउनेलाई हातधुन सजिलो हुने बताए । उनले होपब्रीज संस्था र त्यसका सुदूरपश्चिम संयोजक महेन्द्र बमलाई धन्यवाद दिए ।

त्यसैगरी होपब्रीजले धनगढी उप–महानगरपालिकाले संचालनमा ल्याएको जडिबुटी प्रशोधन केन्द्र आईसोलेशनमा २० थान म्याट्रेस र २० थान कम्वल हस्तान्तर गरेको छ ।